العين تزنى ازاى؟ ادخل وشوف!

[ندعوك للتسجيل في المنتدى أو التعريف بنفسك لمعاينة هذه الصورة]

العين تزني يعني إيه؟؟

ايوه العين زناها النظر.. يعني لو بصيت على ما حرمه الله ولو لثواني فأنت زنيت زنا العين

وإيه الدليل على كده؟؟

الدليل هو حديث الرسول عليه الصلاة والسلام عن ابن عباس رضي الله عنه
قال ما رأيت أشبه باللمم مما قاله أبو هريرة أن النبي صلى الله عليه وسلم
قال كتب على ابن آدم نصيبه من الزنا , مدرك ذلك لا محالة ; فالعينان زناهما
النظر , والأذنان زناهما الاستماع , واللسان زناه الكلام , واليد زناها
البطش , والرجل زناها الخطى , والقلب يهوى ويتمنى , ويصدق ذلك الفرج ويكذبه
) صحيح مسلم"

وهل عقابه زي عقاب الزنا اللي بجد- قصدي زنا الفرج؟؟

لأ.. بس مجرد نظرك للمحرمات ده حرام.. لإنه بيقربك للزنا .. وبعدين
الرسول عليه الصلاة والسلام نهى عنه وصنفه بإنه نوع من الزنا - ، زنا العين

علشان كده ربنا أمرنا بغض البصر؟؟

طبعًا.. شوفت إزاي الموضوع خطير.. ده كمان ربنا حذرنا وقال "وَلاَ
تَقْرَبُواْ لزِّنَى إِنَّهُ كَانَ فَاحِشَةً وَسَاء سَبِيلاً
[الإسراء:32].

والنظر يعتبر طريقة من طرق الإقتراب من الزنا

بس يعني إيه "والفرج يصدق ذلك أو يكذبه"؟؟

يعني الشاهد على إن الزنا حصل ولأ هو الفرج، فلو صدق الفرج ده معناه
إنه الشخص وقع فيما حرمه الله.. لو كذبه معناه إن الموضوع موصلش للزنا
الكامل ولكنه وصل للزنا المجازي.. ويدخل مع النظر السمع برضه زي ما الرسول
عليه الصلاة والسلام قال في الحديث يعني لو إتكلمت مع بنت مش من محارمك
ومافيش اي ضرورة لده.. ممكن يحرك شهوة فيك أو فيها وبالتالي السمع في
الحالة دي نوع من انواع الزنا اللي حرمه الله ويدخل معاهم برضه اللسان،
الرجل، القلب واليد

يعني الواحد لازم يأخد باله كويس؟؟

لازم كلنا نأخد بالنا.. شباب وبنات لإن الكلام علينا إحنا الإثنين.. وربك المستعان

» كيف كان ينام اصحاب الكهف؟؟؟ ادخل لكى تعرف